हेलन केलर हे जगाला परिचित असलेलं व्यक्तिमत्त्व. ती एक गोड मुलगी होती जीला लहान वयातच आपल्या मुलभुत दोन इंद्रियांना गमवावं लागलं; डोळे, कान अणि पर्यायाने ती मुकि बनली. पण तरीही ती एक लेखिका,एक अभिनेत्रि अणि एक समाज कार्यकर्ती म्हणून गाजली. वयाच्या पाचव्या वर्षी अ‍ॅन सिलीव्हनने तिच्या आयुष्यात एक शिक्षक म्हणून प्रवेश केला, आणि त्यानंतर तिने आपलं आयुष्य हेलनसाठी समर्पित केलं. "आंधळि" या अनुवदित पुस्तकात शांता शेळके यांनी हेलन केलर आणि अ‍ॅन या दोघींची जिद्द, चिकाटी यांचं सुरेख वर्णन केलं आहे. हेलन आपल्या अन्धत्वामुळे,चिडखोर आणि हट्टी मुलगी बनलि होती. परन्तु, अ‍ॅन सिलीव्हनने तिच्यामध्ये अमुलाग्र बदल घडवून आणले.तिने हेलनला शिक्षण द्यायला सुरुवात केल्यानन्तर तिच्या समोर कितीतरि प्रश्न असतील. हेलनला द्रुष्टी नव्हती,ती बहिरि आणि मुकिहि होती. मग तिला या जगाची ओळख कशी करुन द्यायची? अ‍ॅनने तिला स्पर्शाने नव्या जगात पाऊल टाकण्यास मदत केली. बोटांच्या लिपिच्या सहयाने तिला निरनिराळ्या गोष्टि वाचून दाखवल्या..तिच्याबरोबर सतत राहणं, तिला अनेक ठिकाणि प्रवासाला नेणं, तिच्या प्रश्नांना उत्तरे देणं..या सगळ्याला अ‍ॅन कधिच थकली नाहि. प्रवासाला गेल्यानंतरसुद्धा, अ‍ॅन हेलनला बाहेरच्या वातावरणाचे हुबेहुब वर्णन करुन सांगत असे. ऋतु, चंद्र,चांदणे,रंग, यांना तर ना स्पर्श ना गंध ! परन्तु, अ‍ॅन हेलनला आपल्या वर्णनातुन सतत सांगत असे.
अ‍ॅनला स्वत:ला निट दिसत नव्हते. तिला एक विशिष्ट प्रकारचा चष्मा लावावा लागे. हे अन्धत्व तिला लहानपणी गरिबी आणि कुपोषणामुळे आले होते. तरिदेखिल ति हेलनसाठी अविरत कष्ट घेत होती. तिला आजुबाजूच्या घटनांचा परिचय करुन देत होती.तिच्यामध्ये वाचनाची आवड निर्माण करत होती. तिच्यामध्ये उत्तम संस्कारचं बिज रोवत होती. अ‍ॅन हेलनसाठि केवळ एक शिक्षक नव्हती, ती हेलनची बहिण, मैत्रिण, अधार सर्व काहि होती.
ज्यावेळि हेलनने आपले आत्मचरित्र प्रकशित केले त्यवेळि अमेरिकेतिल एका प्रसिद्ध लेखकने हेलनला पत्रात म्हट्ले," तु आणि तुझ्या बाई,दोघीजणी केवळ अद्भुत आहात. हेलनसारख्या मुलीसोबत राहणे म्हणजे स्वतःच्या इच्छा,व्यक्तिमत्त्व,आवडीनिवडी पार पुसुन टाकण्यासारखेच होते..हेलनसाठी समर्पित केलेल्या आयुष्याखातर अ‍ॅन आपले वैवाहिक सुखदेखिल नकारयला तयार होती. जीवनाचे सगळे क्षण तिने हेलनला दिले. तेहि स्वखुशीने, स्वमर्जीने. खरंच हेलन तर अद्भुत होतीच पण त्याहून अद्भुत होती तिची शिक्षिका अ‍ॅन!
